पवन नगर ग्राउंडची जागा हातगाड्यांनी गिळंकृत; अतिक्रमण विभाग कारवाई करणार का?

क्रिकेट खेळायचं की हातगाड्यांना जागा द्यायची? नागरिकांचा संतप्त सवाल!

सिडको प्रतिनिधी :- ता :,१७ ऑगस्ट 

सिडकोतील पवन नगर परिसरातील मैदान सध्या पाच ते सहा हातगाड्यांच्या विळख्यात सापडले आहे. नागरिकांसाठी, क्रिकेटप्रेमींसाठी, लहान मुलांसाठी आणि ज्येष्ठ नागरिकांसाठी असलेल्या या मैदानातच हातगाड्या उभ्या करून जागा अडविण्यात आल्याने नागरिकांमध्ये नाराजी व्यक्त होत आहे

पवन नगर ग्राउंडवर दररोज क्रिकेट खेळण्यासाठी अनेक तरुण आणि लहान मुले येतात. तसेच ज्येष्ठ नागरिक शतपावलीसाठी या मैदानाचा वापर करतात. मात्र मैदानाच्या परिसरात उभ्या केलेल्या हातगाड्यांमुळे नागरिकांना चालण्यासाठीही अडथळा निर्माण होत आहे. मैदान हे नागरिकांच्या आरोग्यासाठी आणि खेळासाठी आहे की हातगाड्यांच्या पार्किंगसाठी,असासवालआताउपस्थितहोत आहे.

नाशिक महापालिकेचा अतिक्रमण निर्मूलन विभाग शहरातील अनधिकृत अतिक्रमणांवर कारवाई करत असल्याचे यापूर्वीही दिसून आले आहे.  त्यामुळे पवन नगर ग्राउंडमधील या हातगाड्यांकडे प्रशासनाचे लक्ष कधी जाणार, असा प्रश्न नागरिकांकडून उपस्थित केला जात आहे.

मैदान अतिक्रमणमुक्त करून नागरिकांना मोकळा श्वास घेता यावा, यासाठी महापालिका प्रशासन आणि अतिक्रमण विभाग आता कारवाईचा हातोडा चालवणार का? याकडे पवन नगर नगरवासीयांचे लक्ष लागले आहे.